Выставка победителей премии «Прафота»

Прэмія «Прафота», заснаваная культурна-адукацыйным цэнтрам ЦЭХ, у 2017 годзе ўручалася ў Менску ў трэці раз. Арганізатары атрымалі 79 заявак ад 51 аўтара і двух калектываў. З іх 34 дакументальныя праекты, 29 - арт-праекты і 12 лічбавых.

На выставе ў Прасторы КХ будуць прадстаўлены 3 праекты, прызнаныя лепшымі ў намінацыях «Дакументальнае фота» («Фота на памяць» Аляксандр Васюковіч), «Мастацкая фатаграфія» ( «Алфавіт вайны» Вольга Савіч) і «Лічбавы сторытэлінг» («Кожная трэцяя. За зачыненымі дзвярыма» Аляксандр Васюковіч і Дар'я Царык).